نكت

الأولى

بعد كام سنه من قيام ثورة يوليو واحد باشا افتقر خالص و لما لقى نفسه ما بقاش معاه غير خمسه جنيه قرر يبدأ بزنس صغير فراح اشترى قفصين و شوية فجل و جرجير ,قفص يفرش عليه البضاعه و قفص يقعد عليه و بعدين لبس البدله الاسموكن و الطربوش و راح يقعد فى السوق عشان يبيع ,و كان يقول بألاطه : فجل يا حوش جرجير يا أوباش الورور يا ولاد الكلب

الثانيه

راجل اسكندرانى سهر فى البيت يستنى بنته لما ترجع و لما رجعت وش الصبح

الأب:كنتى فين يا بت يا مكسورة الرقبه لحد دلوقتى؟

البنت:كنت سهرانه مع واحد صاحبى فى شقته

الأب:طب خشى نامى احنا ناس بنحبو الصراحه

التالته

واحد كسلان طلع عليه حراميه بعد ما خدوا اللى معاه حفروا حفره و قالوا ندفنه عشان ما يبلغش و رموه فى الحفره

شيخ المنصر:نفسك فى ايه يا راجل قبل ما نردم؟

الكسلان:بصراحه نفسى أشرب شوية ميه

شيخ المنصر:طب اطلع خد القله و خلصنى

الكسلان:لسه هاطلع يا راجل اردم بلا خوته

الرابعه

رئيس دوله صغيره راح يزور الصين

رئيس الصين:احنا تعدادنا مليار نسمه-انتو تعدادكو كام؟

رئيس الدوله الصغيره:تلاتين ألف نسمه

رئيس الصين:يا خساره, يا راجل طب ما جبتهمش معاك ليه؟؟؟؟

الخامسه

اتنين شباب سايقين عربياتهم و ماشيين فى شارع الأول عربيته صغيره و مهكعه و التانى عربيته فخمه موديل السنه دى اتقابلوا جنب بعض فى الاشاره و دار بينهما الحوار التالى

الأول:انت عارف عربيتى دى فيها ايه؟

التانى:هأ هأ ...هيكون فيها ايه يعنى

الأول : و الله فيها عفريت بيعمل كل اللى أأمره به

التانى:طب وريهولى كده

أخرج الأول يده اليسرى و دعك باب العربيه من بره طلع العفريت

الأول:صدقت بقى-تحب تطلب ايه؟

التانى-مخاطبا العفريت:اتنين شاى مظبوط سكر بره بس قبل ما الاشاره تفتح

و فى ثوانى ناول العفريت كل منهما كوب شاى مظبوط و معاه كيسين سكر و معلقه

التانى:الله ده الموضوع جد -تبيعها عربيتك دى؟

الأول: لأ - تبادل؟

التانى:مفيش مانع ياللا بينا ع الشهر العقارى

التانى-بعد التسجيل:قعد يدعك فى العربيه لحد ما طلع العفريت قائلا شبيك لبيك

التانى:عاوز دلوقتى حالا نص مليار دولار

العفريت: ما تشخطش أنا ما بعملش غير شاى

السادسه

أبو العربى كان سايق عربيته و عمل حادثه كسر ايد و رجل واحد صعيدى,الظابط بيعمل لأبو العربى محضر فى القسم

الظابط:دا انت يا بو العربى ضحضحت الراجل مش حرام عليك,هات بطاقتك

أبو العربى:يا باشا ما انت عارف عربيتى ما فيهاش فرامل و بعدين أنا اديتله كلاكسات كتير و قلبتله النور مفيش فايده

الظابط:ده هو بقى اللى غلطان-أهو ملقح بره لما أبعت أجيبه

الظابط ضرب الجرس دخل عسكرى فأمره بادخال الراجل المجبس

الصعيدى المجبس:سلامو عليكم يا فندى

الظابط:انت يا راجل كنت سايق و انت مسطول ؟-الراجل عداه العيب ادالك كلاكسات و أنوار-انت ما بتفهمش؟

الصعيدى:أنا يا فندى كنت جالب الدردل و جاعد عليه جدام الدكان و ده طلع الرصيف بالطرومبيل وخبطنى

السابعه

واحد صعيدى عايز يعمل روش قام كاتب ع الشومه أديدس

التامنه

اتنين مساطيل حبوا يلعبوا كوره راحوا جايبين طوب عاملينه اجوان بس ما كانش معاهم كوره اتفقوا ان أول واحد يعدى عليهم يقطعوا راسه و يلعبوا بيها كوره و كانوا مستعدين بالسكاكين,بعد شويه عدى عليهم واحد كان مسطول قاموا هاجمين عليه ,قال لهم هتعمـــــلوا ايه؟ ,حكوا له ع الاتفاق و قالوا له معلش, راح مطلع مطواه و ضارب دماغه,قالوا له يخرب بيتك بتعمل ايه؟ قال

فسيتها قبل ما تلعبوا بيها

---------------------------------------------------------------------------------------------

نقلا عن موقع ماشى دوت كوم